, Եթե վստահ չենք, որ օգտատերերը կհավանեն նոր ֆունկցիոնալությունը, այն պետք է տեղադրել "աննկատ" վայրում։ Եթե ֆունկցիոնալությունը տեղադրվում է ակնհայտ վայրում, իսկ հետո պարզվում է, որ այն հետաքրքիր չէ օգտատերերի մեծ մասին, ապա այն հեռացնելն առանց օգտատերերի բացասական արձագանքի շատ ավելի բարդ կլինի։

Ֆունկցիոնալությունը պետք է ներդաշնակորեն տեղավորվի թե՛ պրոդուկտի, թե՛ այն էջի համատեքստում, որտեղ այն տեղադրվում է։

Նոր ֆունկցիոնալության ներկայացման ձևը կանխորոշում է ապագա թարմացումների տոնը։ Որքան ավելի հնչեղ ներկայացնենք ֆունկցիոնալությունը, այնքան բարձր ակնկալիքներ կստեղծենք օգտատերերի մոտ ( )։

Նոր ֆունկցիոնալության ներկայացման ժամանակ պետք է օգտագործել այնպիսի ձևակերպումներ, որոնք առավելագույնս համահունչ են օգտատերերի ակնկալիքներին։

Եթե նոր ֆունկցիոնալության ավելացմամբ փոխվում են արդեն հաստատված (սովորություն դարձած) գործընթացները (workflows), ապա ցանկալի է այդ ֆունկցիոնալությունը դարձնել ընտրովի՝ թույլ տալով օգտատերերին շարունակել օգտագործել այն, ինչ եղել է մինչ այդ։

Նոր ֆունկցիոնալության բոլոր առավելությունները պետք է բացատրվեն հնարավորինս պարզ՝ նույնիսկ եթե թվում է, որ դրանք ակնհայտ են։

Մենք կարող ենք էապես գերագնահատել պայմանավորված ժամկետներում ֆունկցիոնալությունը գործարկելու մեր հնարավորությունները։

Եթե նոր ֆունկցիոնալությունը էապես փոխում է պրոդուկտը և օգտատերերին չի թույլատրվում հրաժարվել (նույնիսկ ժամանակավորապես) այդ փոփոխություններից, ապա մենք ռիսկի ենք ենթարկվում բախվել օգտատերերի կտրուկ բացասական արձագանքի հետ։ Պետք է նվազեցնել ֆունկցիոնալությունը օգտագործելու մուտքային շեմը և դրա ուսումնառության ցիկլի ժամանակը։ Անհրաժեշտ է նաև թիմի անդամների կողմից գնահատել ֆունկցիոնալության պարզության մասին ենթադրությունները։ Բացի այդ, օգտակար կլինի նախապես գնահատել օգտագործելիությունը՝ ցույց տալով նոր ֆունկցիոնալը օգտատերերի փոքր խմբի (cohort group):

Եթե ֆունկցիոնալության գործարկման վերաբերյալ լրացուցիչ տեղեկատվություն ենք փնտրում, ապա պետք է նախապես սահմանել, թե ինչպես այդ տեղեկատվությունը կազդի մեր որոշման վրա։ Այլ կերպ ասած, պետք է սահմանել հաջողության չափանիշներ մեր հետազոտությունների համար։